Bu’r Adar Gleision yn brwydro’n galed dros ben ond roedd Arsenal yn rhy gryf, yn llawn sgil a thalent dros y cae. Gwahaniaeth mwyaf y gêm oedd yng nghanol cae, lle bu Dennis Bergkamp yn rheoli’r gêm fel y dymunai.
Dechreuad obeithiol cafodd yr ymwelwyr wrth i Cameron Jerome fynd yn agos at sgorio’r gôl gyntaf. Cam-arweiniol oedd hyn. Cyn hir, bu’r ‘Gunners’ yn dechrau dangos y doniau sydd wedi dod a chymaint o lwyddiant i dîm Arsene Wenger dros y blynyddoedd.
Cyn y gêm ar ddydd Sadwrn, doedd Robert Pires heb fwynhau tymor da o gwbl ond o fewn y chwarter awr cyntaf, roedd y Ffrancwr wedi rhwygo amddiffyn Caerdydd i ddarnau mân. Daeth y gôl cyntaf ar ôl i Jose Antonio Reyes ddarganfod Pires mewn gwagle, a chyn i Neil Alexander gael cyfle i ymateb, roedd y bêl yng nghefn y rhwyd. Dyma oedd Arsenal ar eu gorau, yn pasio’r bêl yn gyflym ac yn gywir. Pêl-droed syml a phrydferth.
Wedi i Robin van Persie a Dennis Bergkamp gyfnewid pasus, roedd Pires â ddigonedd o amser i wneud hi’n 2-0 i’r tîm cartref. Erbyn hyn, roedd dylanwad van Persie a Bergkamp ar y gêm yn cynyddu ac edrychai fel bod Caerdydd ar eu ffordd at grasfa. Ond mae rhaid rhoi clod i’r Adar Gleision am beidio rhoi’r ffidl yn y to. Ar wahan i van Persie yn taro’r trawst, bu’r ymwelwyr yn amddiffyn yn styfnig a bron i Cameron Jerome dynu gôl yn ôl iddynt.
Yn yr ail hanner, bu Caerdydd yn parhau â’u gwaith caled, yn atal Arsenal rhag ychwanegu i’w goliau cynnar. Wedi brwydro’n ddi-baid trwy’r prynhawn, daeth y wobr i’r chwaraewyr ac i’r cefnogwyr wrth i Jerome sgorio’i drydydd gôl ar ddeg o’r tymor. Perfformiad parchus iawn oedd hyn a bu’r cefnogwyr yn sicr yn mwynhau eu taith i Lundain. Trwy gydol y gêm, roeddent yn gefn i’r tîm wrth iddynt ganu’n ddi-baid. Hyd yn oed pan fu Arsenal ar y blaen yn gyfforddus, fe ddangoson nhw eu hochr ddoniol,
“Two-nil and you still don’t sing!”
Oedd y floedd at gefnogwyr Highbury. Yn sicr, diwrnod i’w gofio i’r chwaraewyr ac i’r cefnogwyr.
Oddi ar y cae, fe arwyddwyd Guylain Ndumbu-Nsungu o